சாமிகள் பற்றிய குறிப்புகள்

0 ஆக்ரோஷமாக ஆடும்

ஆயுதங்கள் கொண்ட குலசாமிகளின்
கண்களில் தெரிவது
அருளா? கொலைவெறியா?
.....................

0 கொடையில்லா நாளில்
கோயில் மரத்தில்
இலை தின்னும் ஆடுக்கு தெரியாது
நேர்ந்துவிட்டதும்
நேர்த்திக் கடனானதும்

........................
0 வேப்ப மரத்துக்கு
ஆத்தா வந்ததிலிருந்து
பால் குடிக்க பழகிவிட்டது வேர்
..........................

0 சாமி சொன்னதாக
குறி சொல்கிறாள் அம்மா
சாமிக்கு யார் சொல்லுவார்?
.......................

0 ஏழு கெடா வெட்டி
சாமிக்கு படைக்கப்படும் சோறில்
களவாடப்படுவது
கறிதுண்டுகள்.

...................

0 வேட்டைக்கு போகும் சாமியின்
எதிரில் சென்றால் அடித்துவிடும்
மனிதனை அடிப்பது
சாமியாகுமா?
.............

0 பெரியசாமிக்கு யாராடுவது
என்கிற சண்டையில்
நடக்கிறது வெட்டு குத்து.
வேடிக்கை பார்க்கிறது
காக்கும் சாமி.


நன்றி: தினகரன் தீபாவளி மலர்